Month: otsaila 2017

Menuko aukera honen bitartez jangelako zerbitzua erabiltzen duten ikasleen asistentziaren kontrola gauza dezakegu.

Bi erlaitzetan banatuta dago:

• Asistentzia: kontsultarako pantaila.
• Kudeatu: asistentziaren kontrola eramateko pantaila.

ASISTENTZIA

Pantaila honetan, zehaztutako datan jangela zerbitzuaren inguruko gora-beherak kontsultatu ahal izango dira.

• “Ohiko bazkaltiarrak” eremuan, normalean zerbitzua erabiltzen dutenak bistaratuko dira.
• “Ez-ohiko bazkaltiarrak” eremuan, normalean zerbitzua erabiltzen ez dutenak, baina adieraziko datan jangelan geratuko diren ikasleak bistaratuko dira

 

 

KUDEATU

Pantaila honetan bi eremu aurkituko ditugu:

• OHIKO BAZKALTIARRAK: Egunero zerbitzu hau erabiliko duten ikasleen kudeaketa.
• EZ OHIKO BAZKALTIARRAK: Normalean zerbitzu hau erabiltzen ez duten ikasleen kudeaketa.

 

Hau honela, asistentzia kudeatzeko ondorengo pausuak jarraituko ditugu:

1.Data zehaztu: asistententzia kudeaketa gauzatu nahi den eguna zehaztu “Data aukeratu” eremuan, egutegian aukeratuta. (“Aurrekoa” eta “Hurrengoa” botoien bitartez egunez alda gaitezke).

 

2.Ohiko bazkaltiarrak: zerrenda honetatik bertaratuko ez diren ikasleei dagokien “bertaratze” zutabeko zelda desaktibatu eta   botoia klikatu.

3.Ez ohiko bazkaltiarrak: zerrenda honetan, adierazitako datan, normalean etortzen ez diren ikasleetatik  zeintzuk etorriko diren zehaztuko dugu. Horretarako,  botoia klikatuko dugu.

Jarraian bistaratuko den leihoko “Ikaslea aukeratu” desplegablean adieraziko dugu datu hori.

Datua gordetzeko, berriro  botoia klikatuko dugu.

4.Ez-ohiko bazkaltiarren zerrendan dagoen ikasleren bat ezabatu nahi izatekotan,  dagokion “Bertaratze” zutabeko zelda desaktibatu eta  botoia klikatu.

Ikasleari

Atal honetan, ikasleen anotazioak gehitzeko aukera izango dugu.

“Maila-taldea” eremuan, tratatu nahi ditugun ikasleei dagokien talde naturala zehaztuko dugu. “Data” eremuan, berriz, gaurko data agertuko da (datua aldagarria izanik).

Informazioa honela antolatuta dago:

Ikaslea	Aukeratutako taldeko ikaslea.
Anotazioa	botoia klikatzean irekiko den leihoan, dagokion ikaslearen inguruko anotazioak idatz ditzakegu.
Publiko	Sartutako anotazioa Inikan publiko egin nahi bada, zelda hauek aktibatuko ditugu: Publiko(ikastetxea): Zentruko irakasle, tutore etab. ek Inikan anotazio hau ikus ahal izan dezaten. Publiko(guraso): ikasleen gurasoek Inikan anotazio hau ikus ahal izan dezaten.
Ezabatu	Zelda hau aktibatu eta  botoia klikatzean, dagokion erregistroko datuak ezabatuko dira (ez erregistroa bera).

Informazio honekin, ondoko eragiketak gauza daitezke:

	Existitzen den erregistroren batean aldaketaren bat eginez gero, “Gorde” botoian klikatuko dugu hau gordetzeko.
	Erregistroren bateko edukia ezabatzeko, dagokion erregistroaren eskuinaldean dagoen “Ezabatu” zutabea aktibatu eta  “aukeratutakoak ezabatu” botoia klikatuko dugu.

 

 

Atal honetan, tutorizatutako ikasleen inguruko informazio desberdina kontsulta dezakegu.

Goiburuko eremu griseko “Aukeratu maila” eremuan zehaztuko dugu kontsultatu nahi dugun taldea.

Jarraian, taldea osatzen duten ikasleen argazkiak agertuko dira pantailan.

 zelda aktibatuz gero, laguntza-motaren bat duten ikasleei harridura ikur bat agertuko zaie argazkiaren alboan.

 

Pantailaren beheko aldean dauden botoien bitartez, hainbat eragiketa orokor gauza ditzakegu.

	Adierazitako taldeko ikasleen argazkiak informe batean inprimatzeko aukera.
	Adierazitako taldeko ikasleen datu-pertsonalak informe batean inprimatzeko aukera.

Ikasle bakoitzeko aukera desberdinak izango ditugu Inikaren konfigurazioaren arabera: parametroen atalean “IrakasleJarraipena” zelda aktibatuta baldin badago, aukera posible guztiak izango ditugu eskura; “IrakasleJarraipena” aktibatuta ez badago, datu-pertsonalen atala bakarrik kontsultatu ahal izango dugu.

Botoi hau klikatzean leiho berri bat irekiko da. Bertan, “Ikasturtea” eremuan zehaztutako ikasturteko hainbat datu akademiko bistaratuko dira:

–          Kalifikazioak

–          Helburu eta esaldiak (hala lan eginez gero, batez ere LHn).

–          Hutsegiteak.

–          Arau-hausteak.

–          Anotazioak (irakasle nahiz tutoreek idatzitakoak).

–          Gurasoekin izandako bilerak.

–          Ikasleen erabaki eta balorazioa.

–          Urte amaierako balorazioa.

–          Atxikitako fitxategiak lortzeko aukera.

Irekiko den leihoan ikaslearen datu pertsonalen kontsulta eta edizioa burutzeko aukera izango dugu.

Aldaketak egiteko, editatu behar den eremua editatu ostean, “Gorde” botoia klikatu.

 

 

  Botoi hau klikatzean leiho berri bat irekiko da. Bertan, ikasturte honetako hainbat datu akademiko bistaratuko dira:

–          Kalifikazioak: historikoa. Kurtso osoan zeharreko kalifikazioak.

–          Kalifikazio partzialak.

–          Kontzeptuak. (Aukera honekin lan eginez gero).

Menuko atal honetan, ikasleen jarraipen akademikoarekin loturiko hainbat aukera aurkituko ditugu. Ondokoak dira administrari perfilari dagozkionak:

“Konfigurazioa” ataleko azken bi aukeren bitartez, zentruko garraio-zerbitzuaren kudeaketa gauza dezakegu: “Garraioa aurtengoa” aukerak, abian den ikasturteko datuak kudeatzeko aukera ematen du; “Garraioa hurrengo ikasturtea” aukera, aldiz, datorren ikasturterako behin-behineko datuekin aritzeko eta planifikazioarekin hasteko aukera ematen du.

Pantaila hauen bitartez, garraio-zerbitzua erabiltzen duten ikasleei ibilbidea eta geltokia esleituko dizkiegu. Multzoka egin beharreko zeregin bat da: ibilbide eta geltoki bakoitzeko ikasleak takada batean tratatzeko aukera ematen du.

AURTENGOA

Menuko aukera honen bitartez administrariak aurtengo ikasturteko garraio zerbitzuaren kudeaketa gauzatzeko aukera izango du. Ikasle bakoitzari dagokion “autobus linea” eta “geltokia” esleituko dizkio.

Horretarako,  botoia klikatuko dugu. Jarraian, ondokoa bezalako pantaila bat bistaratuko da:

Linea eta geltoki jakin bat ikasleei esleitzeko, ezkerreko eremuko zerrendan linea horretakoak diren ikasleen “aukeratu” zutabeko zelda aktibatuko dugu; jarraian, eskuinaldeko “Ibilbidea” eremuan zehaztuko dugu zein autobus linea erabiltzen duten aukeratutako ikasleek; “Geltokia” eremuan, berriz, aukeratutako ikasle hauek zein geltokitakoak diren.

  botoia klikatzean, aukeraketa gordeko da.

Ikasleren bati dagokion “Linea” edo “Geltokia” aldatzeko, “Linea” zutabeko desplegablean aukeratuko dugu dagokiona eta jarraian  botoia klikatuko dugu.

Ikasleren bat zerrenda honetatik ezabatzeko, “Ikaslea” zutabeko zelda desaktibatu eta  botoia klikatuko dugu.

 

HURRENGO URTEKOA

Hurrengo urtera begirako garraio-zerbitzuaren kudeaketa modu beretsuan gauzatzen da. (Ikus aurreko atala).

Kasu honetan desberdintzen den aukera bakarra ondokoa da: “Garraioko datuak kopiatu urte batetik bestera”. Botoi honen bitartez irekiko den leihoan, aurtengo ikasturtean garraio-zerbitzua erabili duten ikasleen zerrenda bistaratuko da. Bertatik aukeratuko ditugu datorren urtera begira datu berdinekin mantentzea interesatzen zaizkigun ikasleak eta botoia klikatuko dugu.

 

Menuko aukera honetara sartzean, administrariak ikasgai bakoitzeko kalifikazio partzialen oinarriak ezartzeko aukera izango dugu.

Irakasle bakoitzak bere gaiak azpiataletan banatzeko aukera dauka eta baita, azpiatal bakoitzari dagokion pisua eta kalifikazioa ezartzeko ere. Esan bezala, azpiatal hauek (10 gehienez) irakasle bakoitzaren esku daude eta ebaluaketa bakoitzean desberdinak izan daitezke.

Administrariak, menuko aukera honen bitartez, pantaila beretik zentruko talde guztien ebaluaketa bakoitzeko kalifikazio partzialen kudeaketa gauza dezake.

Horretarako, “Maila-Gaia” eremuan taldea eta gaia zehaztuko ditu; “Ebal.” eremuan kudeatu nahi duen ebaluaketa. 1etik 10era bitarteko zutabeetan datu hauek zehaztuko ditu:

• Pisua: atal horrei ikasgai osotik dagokion ehunekoa.
• Deskribapena: atalaren deskribapena.

Kontutan izan, 10 zutabe daudela erabilgarri, baina ez dela ezinbestekoa guztiak erabiltzea.