Inika IR kuadernoa – Adm perfila

“Notak” > “Helburuka: ikasleka” atalean sartzean, ikasle bati dagozkion ikasgaietako notetara sarbidea izango dugu.

Horretarako ezinbestekoa izango da iragazkiko ondoko datuak zehaztea:

• Maila: Kontsultatu nahi dugun ikaslea zein taldetakoa den.
• Ikaslea: Kontsultatu nahi ditugun notak zein ikaslerenak diren.
  • Ikaslez aldatzeko bi aukera ditugu:
    • “Ikaslea” eremuan zehaztuta.
    •  botoian klikatuz.
• Ebal.: Sistema, defektuz, gauden ebaluaketan kokatuko da. Datu hau aldagarria da.
• Gaia: Aukeratutako ikasleari dagozkion ikasgaiak.

“Helburuka” aukera batez ere Lehen Hezkuntzan erabiltzen da (ikasgai edo arlo bat helburuka kalifikatzeko). Jakin, helburuka lan egiteko bi modu desberdin daudela: esaldi aurredefinituen bidezko kalifikazioa eta esaldien aukeraketa bidezkoa. (Inikarekin lanean hasi aurretik, zentruko arduradunek erabakiko dute zein modutan lan egin eta erabaki honen arabera konfiguratuko da Inika).

Bi kasuetan Helburu eta Itemekin lana egingo da: lehenak, bigarrenak multzokatzeko erabiltzen dira. Soilik  administrariari dagokio sailkapen hau zehaztea (Inikan egingo du);irakasleak ezingo ditu helburuak aldatu: kalifikatu bakarrik; orientatzaileak kontsultatu baino ez.

Azpi-atal honek ikasle bakoitzaren ebaluazio jakin bateko ikasgai guztietako notetara sarbidea izango dugu pantaila bakar baten bidez.

Bertara sartzean, goiburu grisean zehaztuko ditugu bilaketarako beharrezko datuak. Hasteko, kalifikatu nahi dugun ikasleari dagokion maila adieraziko dugu “Maila” eremuan. Sistema, defektuz, gauden ebaluaketan kokatuko da (datua “Ebal” eremuan aldatzeko aukera dagoen arren). “Ikaslea” eremuan zehaztuko dugu ikaslea bera.

Zehaztapenak egin ostean ikasleari dagozkion ikasgai guztiak zerrendatuko dira:

Pantaila honetan ondoko datuak kontsulta daitezke:

	Ikasleen zehaztapena burutzeko bi modu daude: –       “Ikaslea” desplegablean zehaztu. –       “Aurrekoa” eta “Hurrengoa” botoiak erabiliz.
Atz.	Ikasgaia atzeratua bada, zutabe honetako zelda aktibo agertuko da.
Nota	Zehaztutako ikaslearen ikasgaiko nota orokorra.
Errek.	Zehaztutako ikaslearen ikasgaiko errekuperazioko nota.
Oharrak	Inikan aurrez definituriko ohar orokorrak.
Oharra	Irakasleak ikasleari ikasgaiaren inguruan idatzitako ohar pertsonalizatua.
	Ikasgaiaren ondoan ikur hau ageri bada, aukeratutako ikasleak ikasgai horretan laguntza-motaren bat jasotzen duela esan nahi du.
Ikasleari oharra	Ikasleari dagokion ebaluaketako ohar pertsonalizatua.

 

Menuko “Notak” aukerari dagokion sailkapenean, “Orokorra” atalaren barruan aurkituko ditugu ikasleen kalifikazio orokorrak. Bertan, irakasle nahiz tutoreek notak sartzeko erabiltzen dituzten pantailak kontsultatzeko aukera izango dugu.

• Partzialak: ikasgai bakoitzeko kalifikazio partzialak.
• Gaika: ikasgai bateko ikasle guztien notak aldi berean kontsultatzeko aukera.
• Ikasleka: ikasle bakoitzari dagozkion ikasgai guztietako notak aldi berean kontsultatzeko aukera.
• Konpetentziak: talde bakoitzeko ikasleen konpetentzien balorazioa kontsultatzeko aukera.

Jarraian azalduko da aukera bakoitza.

Menuko aukera honen bitartez, ikasgai bateko kalifikazio partzialak kontsultatzeko aukera izango dugu.

Irakasle bakoitzak bere gaiak azpiataletan banatzeko aukera dauka eta baita, azpiatal bakoitzari dagokion pisua eta kalifikazioa ezartzeko ere. Esan bezala, azpiatal hauek (10 gehienez) irakasle bakoitzaren esku daude eta ebaluaketa bakoitzean desberdinak izan daitezke.

Beraz, pantaila honetako datuak honela antolatuta daude:

1.zutabea: Ikaslearen izena

H: Ikaslearen hutsegiteak. Ebaluaketako hutsegite justifikatu, ez justifikatu eta kaleratzeen kopuruak bistaratzen dira, hurrenez hurren.

N: Ebaluaketako nota orokorra. Buletinean agertzen den bera.

E: Errekuperaketako nota orokorra. Buletinean agertzen den bera.

2.zutabea: Batazbestekoa. Sistemak, eskubiko zutabeetako kalifikazioen media kalkulatzen du automatikoki.

3…12 zutabeak: Kalifikazio partzialak. Ebaluazio bakoitzeko, gehienez, 10 zutabe ezar ditzake irakasle bakoitzak. Zutabe hauek, ikasgaia azpiataletan zatitzeko aukera ematen dute. Bakoitzari pisu bat emango zaio ehunekotan. Zutabe bakoitzean ondoko datuak kudeatu ahalko ditugu:

–“Pixu”: eremuan honetan bistaratuko da atal bakoitzari dagokion pisua. Azpian duen eremuan atalari dagokion izena ager daiteke.

–“Itemak bistaratu”: Zutabe bakoitza aldi berean, azpi-ataletan banatuta balego, azpi-atal horiek bistaratuko lirateke. Bakoitzari dagokion pisua ezarri eta kalifikatzeko prest.

–“Guraso”: Gurasoek Inika bidez informazio hau kontsultatu ahal izan dezaten, zelda hau aktibatuko da.

–Kalifikazioa: azpi-atalari dagokion kalifikazioa.

– Oharra: azpi-atal bakoitzari dagokion testu librea. Aukerako datua.

13.zutabea: Oharra. Testu librea. Aukerako datua.

Kontutan izan, konpetentzia hauek ez direla ez boletinean ez izaretan agertuko.

 

 

Atal honen bitartez,  ikasleen kalifikazioak kontsulta ditzakegu (eta inoiz ez editatu).

Burutu nahi dugun kontsulta gauzatzeko kontutan izan beharreko hainbat puntu daude:

• Kalifikazio-modua: ikasgaiak helburuka kalifikatzen diren ala ez.
  • Baiezkoa bada, “HELBURUKA” atalean burutuko dugu kontsulta.
  • Ezezkoa bada, “OROKORRA” atalean.

• Ikaslea/Gaia: Kontsultatu nahi duguna ikasle konkretu baten kalifikazio guztiak, ala ikasgai jakin bateko kalifikazio guztiak den.
  • Ikasle batenak aldi berean kontsultatzeko, “Ikasleak” azpi-atalera joko dugu. Aukera hau, tutoreari dagokiona da.
  • Ikasgai batekoak kontsultatzeko, “Gaika” azpi-atalera joko dugu. Aukera hau, irakasle espezifikoei dagokiena da.

• Zikloetako ikasleak: Zikloetako ikasleen notak kontsultatzeko, “Zikloka” ataleko sarreretara joko dugu.

• Emaitzak: ikasleen boletinak, emaitza akademikoen inguruko estatistikak nahiz aurreko urteetako datu akademikoak kontsultatzeko, “Emaitzak” atalera joko dugu.

Ondoko irudian “Notak” atalak eskaintzen dituen aukeren sailkapena ageri da:

(*) Kontutan izan sailkapen hau “Orientatzaile” eta “Administrari” perfilei dagokiela.