Inika_IR_eus

Erlaitz honetan, eremu griseko “Noiztik” eta “Nora” eremuetan zehaztutako data-tartean izandako hutsegiteen informazio xehetua bistaratzen da. Defektuz, “Noiztik” eremuan gauden ebaluazio haserako data bistaratuko du; “Nora” eremuan gaurko data. (Gogoratu kontrakorik adierazi ezean “Kudeaketa” erlaitzean adierazitako talde eta gaiko ikasleekin jarraituko dugula lanean).

Aipatutako datuak zehaztu ostean, adierazitako taldeko ikasleen zerrenda bistaratuko da. Ikasle bakoitzeko, ondoko informazioa jasoko da:

Hutsegiteak	Data-tarte horretan ikasleak izandako hutsegite-mota bakoitzaren kopurua (mota hauek Inikan definitzen dira).
Arau-hausteak	Data tarte horretan ikasleak izandako arau-hauste kopurua: desegokiak, aurkakoak eta larriak.
Jarrera	Data-tarte horretan ikasleak izandako jarrera-mota bakoitzaren kopurua (mota hauek Inikan definitu eta “Jarraipena” atalean kudeatzen dira).
Etxeko-lanak	Data-tarte horretan ikasleak izandako etxeko-lanen inguruko jarrera-mota bakoitzaren kopurua (mota hauek Inikan definitu eta “Jarraipena” atalean kudeatzen dira).

 

Kontutan izan, pantaila honek aipatutako informazioa bistaratzen duela, ez du editatzeko aukerarik ematen.

Atal honetan hutsegiteen jarraipena burutu ahal izango da: aukeratutako taldean adierazitako data tarte batean izandako hutsegiteak, hain zuzen ere. (Gogoratu kontrakorik adierazi ezean “Kudeaketa” erlaitzean adierazitako talde eta gaiko ikasleekin jarraituko dugula lanean

Bestalde, datuen kontsulta burutzeko irizpidea ezarri dezakegu: ebaluaketa jakin bateko hutsegiteak nahiz denbora-tarte zehatz batekoak kontsulta ditzakegu. Horretarako, “Aukeratu filtroa” eremuan “Daten artean” edo “Ebaluaketa” aukeratuko da.

Lehen irizpidea aukeratuz gero, “Hasera” eta “Amaiera” eremuetako  ikonoan klikatuz zehaztuko dugu kontsulta burutu nahi dugun data-tartea.

Bigarrena aukeratuz gero, berriz aplikazioa defektuz gauden ebaluaketan kokatuko da (datua “Ebaluaketa” eremuan alda daitekeelarik).

 botoia klikatuz emango dugu kontsulta burutzeko agindua eta datuak bistaratuko dira:

Ikasle bakoitzeko “Data” eta “Ordua” zutabeetan agertzen diren egun eta saioko “Falta-Mota” bistaratuko da, berandutzerik egon den ala ez eta dagokion oharraz gain.

Pantaila honek eskaintzen dituen aukerak ondokoak dira:

 

	Datuak, defektuz, dataren arabera ordenatuta ageri dira. Alfabetikoki ordenatu ahal izateko, “Alfabetikoki ordenatu” zelda aktibatuko dugu.
	Hutsegitearen inguruko oharra idazteko eremua.
	Existitzen den erregistroren batean aldaketaren bat eginez gero, botoian klikatuko dugu hau gordetzeko.
	Erregistroak ezabatzeko, dagokion erregistroaren eskuinaldean dagoen “Ezabatu” zutabea aktibatu eta  botoia klikatuko dugu.

Erlaitz honetan “Maila – Gaia” eremuan zehaztutako talde eta ikasgaiko “Data” eremuko hutsegiteak kudeatzeko aukera izango dugu.

“Data” eremuan, defektuz, gaurko data agertuko den arren, aldagarria da datu hau. “Maila – Gaia” eremuan adierazitako talde eta ikasgaiaren saiorik ez badaukagu “Data” eremuan adierazitako egunean, ohartarazpen mezu bat jasoko dugu (“Egun horretan ez duzu saiorik ematen”):

Bestalde, eremu grisaren eskuinaldean dagoen “Edozein ikasleri” zelda aktibatuz gero, zentruko edozein ikasleri gehitu ahalko diogu hutsegitea.

Kontutan izan, hutsegiteek irakaslearen ordutegiarekin erlazio zuzena dutela, beraz, horrelako oharrik agertuko balitzaigu (eta ziur bagaude egun horretan saioren bat ematen dugula), Inikako ordutegia errepasatu beharko dugu.

Hutsegiteen kudeaketa burutzeko pantailan ondoko datuak ikusiko ditugu:

“Ikasleak”	Adierazitako taldeko ikasleen zerrenda.
“Hutsegiteak”	Ikasle bakoitzeko hutsegite-mota desberdinak (hauek Inikan definitzen dira).
“Berandu”	Ikasleren bat adierazitako saiora berandu iritsi bada, aktibatu zelda hau.
“Oharra”	Oharrentzat testu librea.

Hutsegiteak eta berandutzeak adierazteko, ikasleari dagokion zelda aktibatuko dugu.

Hutsegite-mota bat taldeko ikasle guztiei esleitzeko, hutsegitearen azpian dagoen  “tick” ikonoa klikatuko dugu; hutsegite-mota batean aktibo dauden zelda guztiak desaktibatzeko, berriro “tick” ikonoa klikatu.

Oharra gehitzeko, eremuan bertan idatz dezakegu edo  botoia klikatuz bistaratuko den leihoan bertan:

Azken kasu honetan oharra gordetzeko “Ados” klikatu.

Atal honetan sartzen garenean, hiru erlaitz aurkituko ditugu:

• Kudeaketa: hutsegiteak gehitzea.
• Jarraipena: hutsegiteen kontsulta eta edizioa.
• Ikuspegi orokorra: hutsegiteen kontsulta.

Aipaturiko hiru erlaitz horien azpian dagoen eremuan zehaztuko dugu hutsegiteen kudeaketa zein taldetan burutu nahi dugun. Jakin, zehaztapen hau egin ostean erlaitzez aldatuta ere, datu berdinekin jarraituko dugula lanean (berriro zehaztu beharrik gabe).

Aukera hau Zikloetako ikasgai edo arlo bat helburuka kalifikatzeko erabiltzen da. “NOTAK”> “ZIKLOAK” > “HELBURUKA GAIKO” aukerara sartzean, ondoko pantailara iritsiko gara:

Hemen, “MAILA – GAIA” eta “IKASLEA” eremuak zehaztuko ditugu; “Ebal.” eremuan, defektuz, gauden ebaluaketa agertuko da. Dena den, datu hau aldagarria da. Behin zehaztapen hauek egindakoan agertuko den pantailak egitura hau izango du: bi lerro mota ikus ditzakegu, grisak batzuk, zuriak besteak. Gris kolorekoak, “Helburuak” dira; zuriak, berriz, esaldiak. Helburuak (grisak), esaldiak (zuriak) multzokatzeko erabiltzen dira. Soilik  administrariari dagokio sailkapen hau zehaztea eta irakasleak ezingo ditu helburuak aldatu: kalifikatu bakarrik.

Jarraian, pantailan aurkituko ditugun datuak eta funtzionalitateak deskribatuko dira.

Pantailan honako datuak bistaratzen dira:

 

Nota (orokorra)	Pantailako goiko eremuan dago. Ikaslearen gaiko nota orokorra zehazteko eremua.
Errekuperaketako nota (orokorra)	Pantailako goiko eremuan dago. Ikaslearen gaiko errekuperaketako nota orokorra zehazteko eremua.
Helburua	Goiburuko griseko “Esaldiak” zutabean zehazten da helburua.
Gakoa	Lehen zutabea. Helburuaren identifikatzailea. Inikan zehaztua.
Nota	Helburua bera kalifikatzeko “Nota” zutabeko desplegabletik aukeratu.
Errekuperaketa	Helburuaren errekuperaketa kalifikatzeko “Errek” zutabeko desplegabletik aukeratu.
Esaldia	Helburu bakoitzaren barruko erregistro (zuri kolorekoak).
Gakoa	Lehen zutabea. Esaldiaren identifikatzailea. Inikan zehaztua.
Nota	Esaldiaren kalifikazioa. “Nota” zutabeko desplegabletik aukeratu.
Errekuperaketa	Esaldiaren errekuperaketako kalifikazioa. “Errek” zutabeko desplegabletik aukeratu.
Oharra	Gaiko oharra idazteko eremua.

 

Atal honek eskaintzen dituen aukerak ondokoak dira:

	Ikasle batetik bestera mugitzeko: –       Argazkiaren ondoko “Aurrekoa” eta “Hurrengoa” botoiak erabil ditzakegu. –       “Ikaslea” eremuko desplegablean aukeratu.
Kalifikazioen esleipena	Kalifikazioak esleitzeko, kalifikazio-mota bakoitzari dagokion (helburu, esladi edo orokorra) “Nota”desplegablean aukeratu beharko da.
	Helburu barruan testu-libreko esaldi berri bat gehitzeko.
	Sarturiko datuak eta eginiko aldaketak gordetzeko “Gorde” botoia klikatu.
	Zehaztutako ikaslea eta gaiko esaldien noten informea bistaratzen du.
	Zehaztutako talde eta gaiko ikasle guztien esaldietako noten informea bistaratzen du.

Notak kontsultatu nahiz sartu eta editatzeko, menuko “NOTAK” > “ OROKORRA: GAIKO” aukera erabiliko dugu.

“MAILA – GAIA” eremuan kalifikatu nahi den ikasgaia zehaztean, gai horretako ikasleen zerrenda bistaratuko da. “Ebal.” eremuan, defektuz, sistemak gauden ebaluaketa zehaztuko du (datua aldagarria izanik).

Pantaila honek ondoko aukerak eskaintzen ditu:

Zehaztutako taldeko ikasle bakoitzaren izena eta talde naturala

Nota	Adierazitako ikaslearen ikasgaiko nota orokorra. Hau zehazteko desplegablean aukeratuko dugu dagokion kalifikazioa.
Errek.	Adierazitako ikaslearen ikasgaiko errekuperazioko nota. Zehazteko desplegablean aukeratuko dugu dagokion kalifikazioa.
Kontzeptuak	Zenbait kasutan, eta beti zentruak hala erabakita, “Nota” zutabeaz gain, beste batzuk aurkituko ditzakegu. Kontzeptuak dira hauek: “Prozedura”, “Kontzeptuak”, “Jarrera”… esaterako. (Batxilergoan, “Nota” eta “Errekuperazio-nota” zutabeak bakarrik agertzen dira).
Oharrak	Ohar aurredefinituak esleitzeko aukera. Inikan aurrez definitu behar dira.
Oharra	Ikasgaiko oharra. Testu librea.
Ikasleari oharra	Ikasleari dagokion ebaluaketako ohar orokorra. Tutoreak bakarrik du ohar hau idazteko aukera.
	Edozein aldaketa gordetzeko “Gorde” botoia klikatuko dugu.

 

Pantailaren azpiko eremuan, aukeratutako ikasgai eta taldearen inguruko hainbat estatistika ikusi ahalko ditugu.  Estatistiken eremuko lehen lerroan,  ikasgaiko suspentso, gaindituen eta notarik gabeko ikasleen ehunekoak ikus daitezke. Bigarren lerroan, berriz, kontzeptu ezberdinei eman zaien ehunekoen  araberako estatistikak ageri dira. Ehuneko hauek aldez aurretik Inikan zehaztu behar dira.