Inika Laguntza. Tutore perfila. Euskaraz.
Atal honetan sartuz gero, zentruko irakasle guztien zerrenda aurkituko dugu.
Irakasle baten 
ikonoan klikatuz gero, honi dagokion ordutegia kontsultatu ahalko dugu.
ikonoaren gainean klikatuz gero, berriz, irakasleen datu pertsonalak kontsulta ditzakegu.
Atal honetan, interesatzen zaizkigun web orrietarako loturak gorde ditzakegu. Beheko irudian ikus dezakegun moduan, “web orria” dugu gordeta. Bisitatu nahiko bagenu, loturan klikatu beharko genuke.
Lotura berri bat gehitzeko, “Berria” botoia klikatu behar da.
Jarraian bistaratuko den formularioko datuak zehaztuko ditugu:
Adibide moduan, Inikako web orria gehituko dugu gure loturen zerrendara. Horretarako, “Link-a” eremuan www.inika.net idatziko dugu (eremu horretan iada defektuz dagoen “http:/”ren ostean; “Testoa” eremuan, berriz, link hori zerrendan nola agertzea nahi dugun idatziko dugu: gure kasuan, “Inikako web orria” bezala izendatuko dugu.
Link berria gordetzeko, “Gorde” botoia klikatuko dugu; egindakoa ezabatu nahiko bagenu, “Ezabatu” botoia; eta zerrendara itzuli nahiko bagenu, “Atzera”.
Link berria sortu ostean, zerrendan gehitu dela egiazta dezakegu:
Aukera honekin, administratzaileak eskuragarri jarritako dokumentuak atzitu ahal izango ditugu.
Beheko irudian ikus daitekeen moduan, sailkatuta daude: lehenik, orokorrak; ondoren, ikasketa maila bakoitzekoak.
Dokumenturen bat deskargatu ahal izateko, dokumentuaren izenaren ondoan dagoen ikonoa klikatu behar da.
Atal honetan, orain artean irekita dauden matxurak ikus ditzakegu. Iragazkian beharrezko eremuak zehazten baditugu (“MULTZOA” eta “PARTEA”), multzoka kontsultatzeko aukera ematen du. Eremu hauek betetzen ez baditugu, guztiak bistaratuko dira.
Pantailaren beheko aldean dagoen “Itxitako parteak ikusi” lotura klikatzen badugu, orain arte izandako matxuren berri emango digu, beti ere, iada itxita badaude.
“Baliabideak”>“Matxurak”>”Berria” atalean, matxura baten berri eman ahal izango dugu. Horretarako, “Multzoa”, “Partea” eta “Aukeratu eguna” eremuak zehaztuko ditugu ematen zaizkigun aukeren arabera.
“Lehentasuna” zutabean, matxuraren garrantzia zehaztuko dugu; “Data” zutabea automatikoki beteko da “Aukeratu eguna” eremuko datuarekin; “Partearen deskribapena” eremuan nahitaez zehaztuko dugu arazoa; “Erreferentzia” eremuan parteari erreferentzi bat emango diogu; “Lekua” eremuan matxura non gertatu den adieraziko dugu eta “Arduraduna” atalean, matxura nori esleitu zehaztuko da. Azkenik, 
botoiarekin matxura berriaren parte emango dugu.
Behin hau egin ostean, lerro berri bat agertuko da pantailan:
Goiko irudian ikus daitekeen moduan, “Lehentasuna” zutabean dagoen ikonoaren koloreak adieraziko digu matxuraren garrantzia (gorria, altua; horia, normala; berdea, baxua). “Egoera” zutabean, partea irekita edo itxita dagoen adieraziko da: parte ematean, defektuz irekiko da; dagokion arduradunak tratatzen duenean, defektuz itxiko da.
Sartu berri dugun matxuran aldaketarik egin nahiko bagenu, editatu nahi dugun eremuan egin beharreko aldaketak egin ostean, 
botoia klikatu besterik ez dugu. Matxura hau ezabatu nahi izatekotan, berriz, “Ezabatu” zutabean dagoen zeldatxoa aktibatu eta 
botoia klikatuko dugu.
Beheko aldean dagoen “Itxitako parteak ikusi” lotura klikatzen badugu, orain arte izandako matxuren berri emango digu, beti ere, tratatuak izan badira.
Baliabideen erreserbekin gertatzen den moduan, baliabide hauen matxurak ere erregistratzeko aukera eskaintzen du Inikak.
Baliabide bat erreserbatzeko, ondoko zehaztapenak burutuko ditugu:
Zehaztapen hauen ostean, egutegi bat agertuko da pantailan: une honetan gauden asteko egutegia, hain zuzen ere. Erreserba-data zehazteko bi modu ditugu: bata, “Aukeratu errekurtsoarentzako eguna” eremuan klikatuz agertuko den egutegian zehaztea zuzenean. Bestea, goian erdialdean ageri diren “Aurrekoa-Hurrengoa” botoiak erabiliz behar dugun astera arte mugitzea.
Erreserba-data aurrean dugunean, baliabidea egun horretako zein saiotan erreserbatu nahi dugun adieraziko dugu botoia klikatuz. Automatikoki erreserba burutuko da.
Guk geuk eginiko erreserbaren bat ezabatu nahiko bagenu, erreserba burutu dugun saioko 
botoian klikatu besterik ez dugu egin behar. Jakin, ordea, ezingo dugula beste inoren erreserbarik ezabatu; aldi berean, inork ezingo du guk egindako erreserbarik ezabatu. (Horrelakorik behar izanez gero, zuzendu administrariarengana).
Atal honetan, ikasleen inguruko anotazioen eta arau-hausteen kudeaketa gauza dezakegu.
Atal honetan, guk geuk bidalitako mezuen jarraipena egiteko aukera daukagu. Horretarako, hartzaile-multzoa definituko dugu “Jarraipena” eremuan.
“Iraungitutakoak ikusi” zeldatxoa klikatzen badugu jaso ditugun eta iada iraungituta dauden mezuen zerrenda ikusi ahalko dugu.
Mezu baten gainean klikatuz gero dagozkion datuak agertuko dira, hau da, noiz bidali den, noiz iraungitzen den, hartzaileak irakurri duen ala ez.
Mezua ezabatu nahi izanez gero, “Ezabatu”-ren aldamenean dagoen 
botoia klikatuko dugu.
Aukera hau “Tutore” perfilari bakarrik dagokio. Tutore batek tutorizatutako ikasleen irakasle guztiei mezu bera bidaltzeko aukera eskaintzen du. Egin behar den bakarra, ikaslea zehaztea da (sistemak berak automatikoki identifikatuko ditu ikasleei dagozkien irakasleak).
Mezua zerrendako guztiei bidali nahi izanez gero, “Hartzaileak” eremuaren ezkerraldean dagoen zeldatxoa klikatuko dugu; aktibatuta dauden guztiak desaktibatzeko ere, “Hartzaileak” eremuaren ezkerraldean dagoen zeldatxoa klikatuko dugu.
Mezua idazteko eremua eskuinaldean dago: euskaraz nahiz gazteleraz. Bi hizkuntzetan idatziz gero, zerrendako “Hizkuntza” zutabean zehaztutako hizkuntzan jasoko du mezua ikasleak.
Mezu sistema honen bitartez, fitxategiak atxiki daitezke: “Fitxategia EU” eremuan klikatuz, bidali nahi den fitxategia erantsi ahalko dugu. Kontutan izan, eremu honetan euskarazko fitxategia gehitu behar dela. Gauza bera egingo dugu “Fitxategia ER” eremuan gaztelerazko fitxategia atxikitzeko.
Mezuaren “Iraungitze data” ere zehatz dezakegu: izen bereko eremuan klikatuz agertzen den egutegian aukeratutako datak adierazten duenean, hartzailearen sarrera-bandejatik desagertuko da bidalitako mezua.
Mezua bidaltzeko, 
botoia klikatuko dugu.