Ordutegia osatzerako garaian, konfigurazio aukera desberdinak daude. Lehena, ordutegi-taulan (marco horario) oinarritutako ordutegia osatu beharrean, ordu-tarteetan oinarritutakoa osatzea; bigarrena, saio bakoitzari dagozkion ikasleak esleitzea.

Aukera hauetako edozeinekin lan egin nahi izanez gero, printzipioz mantenura deituko dugu eta eurek egingo dituzte egin beharreko kofigurazio lanak.

Jarraian azalduko dugu aukera bakoitza:

MARKORIK GABEKO ORDUTEGIA

Kasu honetan, saioaren ordena zenbakia zehaztu beharrean, “ordu tartea” zehaztuko dugu. Hau da, saio zein ordutan hasi (lehen gelaxka) eta amaitzen (bigarren gelaxka) den. Horretarako, kurtsorea dagokion gelaxkan kokatzean aterako den leihoan idatziko dugu interesatzen zaigun ordua.

 

IKASLEEN ESLEIPENA

Saio bakoitzari dagozkion ikasleak esleitzeko aukera da honakoa.

Horretarako, saioari (erregistroari) dagokion  botoian klikatuko dugu. Jarraian bistaratuko den ikasleen zerrendatik interesatzen zaizkigunak aukeratuko ditugu (dagokien zeldan klikatuz) eta aukera gordetzeko  botoia klikatuko dugu.

Modu honetan, aurrerantzean, saio horretako ikasleen kudeaketa gauzatzeko (Jarraipena atalean hutsegiteak, adibidez) aukeratutako ikasleak bakarrik bistaratuko dira.

Menuko aukera honen bitartez, zehaztutako irakasleen ordutegia kontsulta dezakegu.

Kontsulta burutzeko aukera desberdinak ditugu:

I. Orokorra. Irakasle guztiei dagokien ordutegia. “Irakasleen ordutegia” erlaitzean sartzean, sistemak defektuz bistaratuko duena.

 

II. Espezifikoa. Ezkerreko zutabean agertzen diren irakasleetatik, interesatzen zaizkigunak bakarrik aukeratuz, hauei dagokien ordutegiaren kontsulta burutzeko, “filtroa” botoia klikatuko dugu.

 

 ERABILGARRITASUNA

Iragazkian dagoen luparen botoia klikatzean, irakasleak saio jakin batean libre dauden ala ez kontsulta dezake administrariak. Botoi hau klikatzean, ondokoa bezalako leiho bat bistaratuko da:

• “Libre dauden irakasleak” zelda aktibatuta badago: “Data” eta “Ordu-tartea” eremuetako data eta saioan, libre dauden irakasleak bistaratuko dira. (Hau da, saio lektibo nahiz ez-lektiborik ez dutenak).

 

• “Libre dauden irakasleak” zelda desaktibatuz gero: adierazitako data eta orduan libre ez dauden irakasleak zeintzuk diren kontsulta dezakegu. Honez gain, “Okupazioa” eremuan zehatz dezakegu saio horretan zein ardura duten (zaintza, saio lektiboa, bilera edo osagarria).   botoia klikatu ostean, baldintza horiek betetzen dituzten irakasleen zerrenda bistaratuko da.

 

Bigarren eranskina betetzeko hainbat datu Inikako beste zenbait ataletatik inporta daitezke. Jakin, inportatutako datu hauek guk geuk idatzitakoen osagarri ere izan daitezkeela, hau da, gure aportazioen eta Inikan gordetako datuen konbinazioa gauza daiteke.

Honela burutu daiteke inportazioa:

ERREFORTZUA BEHAR DUTEN EREMUAK. Atal honetako “Inportatu” botoiaren bitartez, lehen eranskineko “Hezkuntza errefortzua behar duten eremu-gaiak” ataleko datuak inporta ditzakegu.

HIBParen JARRAIPENA ETA BALORAZIOA. Atal honetan, bi azpi-atal bereizten dira:

• Irakasle-taldea. Ikasturtean  zehar eman diren ebaluazio-bilera bakoitzean jasotako informazioa da hona inportatuko dena (Menu nagusiko “Jarraipena” atalaren barruko “Ebaluazio-bilerak” aukeran dagoen “Ikaslea” atalekoa, hain zuzen ere). Horretarako, ebaluazio bakoitzari dagokion “importar” botoian klikatuko dugu. “Editar” botoiarekin bitartez, edozein aldaketa gauza dezakegu bertan.

• Familia. Ikasturtean zehar ikasleen sendiarekin izandako bileretan jasotako informazioa da hona inportatuko dena. Horretarako, ebaluazio bakoitzari dagokion “importar” botoian klikatuko dugu. “Editar” botoiarekin bitartez, edozein aldaketa gauza dezakegu bertan.

 

Funtzionalitate honen bitartez, Inikako erabiltzaileei dagokien erabiltzaile izena bidaliko zaie (Inikan aurrez adierazitako) posta elektroniko helbidera.

Hasteko, mezuaren hartzaileak definituko ditugu horretarako ezarritako iragazkiaren laguntzaz.

 

(1) Lehenik, familien, ikasleen edo irakasleen erabiltzaile-izenak bidali nahi ditugun zehaztuko dugu.

(2) Ondoren, zein motatako erabiltzaileen datuak bidaliko ditugun. Hau da:

K/C: Ikasturte honetan zehar zentruan dauden erabiltzaileak. (Hau da, kurtsokoak).

M: Matrikulan gordeta ditugun erabiltzaileak.

P: Aurrematrikulan gordeta ditugun erabiltzaileak.

*: Guztiak (K + M + P).

(3) “Maila”, “Taldea” eta “TutoreTaldea” eremuen bitartez, zehaztasun gehiagoko bilaketa gauza dezakegu. Gauza bera “berriak” zelda aktibatuz gero (ikasle berrienak bistaratuko dira).

Zehaztutako datuetan oinarritutako bilaketa egiteko, “Filtroa egin” botoia klikatuko dugu. Jarraian, baldintza horiek betetzen dituzten erabiltzaileen zerrenda bistaratuko da:

“Hartzaileak aukeratu” zutabeko erabiltzaileen artetik aukeratuko ditugu interesatzen zaizkigunak.

“Idatzi emailaren gorputza” eremuan idatziko dugu bidali nahi dugun mezua.

“Aurreikuspena” botoiaren bitartez, e-mailaren itxura nolakoa izango den jakiteko bistaraketa gauza dezakegu hau bidali aurretik. Ondorengo irudian ikus dezkegun bezala, lehenik idatzitako mezua bistaratuko da; jarraian, gure ikastetxearen izena eta hartzaileari dagokion erabiltzaile-izena; azkenik, defektuzko pasahitza aldatu nahi izatekotan klikatu beharreko linka.

“Bidali emaila” botoiaren bitartez gauzatuko dugu bidalketa.

EGUTEGI FORMATUA

Menuko aukera hau kontsultarako pantaila bat da. “Txantiloia” eremuan kontsultatu nahi dugun markoa zehaztu ostean, marko horri dagozkion saioak (hauen hasera eta amaiera orduak) bistaratuko dira.

MARKOA ALDATU

Behin beharrezko markoak definitu ostean, bakoitzari dagokion ordutegi-taula zehaztuko dugu. Modu honetan, saio bakoitzaren hasera eta amaiera orduak mugatuta geldituko dira.

Hasteko, “Txantiloia” eremuan definituko dugu zein markorekin lan egingo dugun.

Erlaitz honek, ondoko aukerak eskaintzen ditu:

Saio berria gehitu	Aukera honen bitartez, ordutegi-taulan lerro bat gehiago sartuko da.
Saioa editatu	Saio bakoitza hasera-ordua adierazteko eremu batez eta amaiera-ordua adierazteko beste batez mugatuta daude. Saio hauek editatzeko, beraz, eremu hauetako balioak aldatu eta “Gorde” botoia klikatuko dugu.
Saioak posizioz aldatu	Saioen ordena aldatzeko, hauei dagozkien lerroak posizioz aldatuko ditugu. Horrela, lerro bakoitzari dagokion “gora” eta “behera”ko geziak erabiliko ditugu hauen ordena zehazteko.
Saioa ezabatu	Saio (lerro) bat ezabatzeko, lerroari dagokion “Saioa” zutabeko zelda aktibatu eta “Aukeratuak ezabatu” botoia klikatuko dugu.

Pantaila honen bitartez, aurrez definitutako mugen eta Inikan erregistratutako datuen arteko erlazioaren emaitzak bistaratzen dira, mintegiaren arabera sailkatuta. Hau da, zehaztutako mugak gainditzen dituzten gertaerak tratatzeko aukera ematen du.

Aukera honetara sartzean, ondoko eremuak zehaztuko ditugu:

• “Mintegia”: zein mintegitako datuak kontsultatu nahi diren.
• “Ebaluazioa”: zein ebaluaketatako datuak kontsultatu nahi diren.

Goiko irudian ikusten den moduan, zehaztutako mintegian, definitutako mugak gainditzen dituzten datuak bistaratzen dira. Kasu hauetan, zergaitia aztertzeko bete beharreko “Txostena” atalera zuzenean joateko aukera ematen du. Horretarako, “Txostena” linkean klikatuko dugu. Bertan beteko ditugu, muga gainditze horren inguruko hainbat atal (deskribapena, zergatia, zuzentze neurriak, balorazioa, etab).

• Haserako pantailan “Desadostasunik gabe erakutsi indikatzaileen panela” klikatuz gero:  definitutako mugak gainditzen ez dituzten datuak bakarrik bistaratuko dira.

 

Pantaila honen bitartez, aurrez definitutako mugen eta Inikan erregistratutako datuen arteko erlazioaren emaitzak bistaratzen dira. Hau da, zehaztutako mugak gainditzen dituzten gertaerak tratatzeko aukera ematen du.

Aukera honetara sartzean, ondoko eremuak zehaztuko ditugu:

• “Maila-taldea”: kontsulta burutu nahi den taldeari dagokion maila.
• “Ebaluazioa”: zein ebaluaketatako datuak kontsultatu nahi diren.

Goiko irudian ikusten den moduan, zehaztutako taldean eta ebaluazioan, definitutako mugak gainditzen dituzten datuak bistaratzen dira. Kasu hauetan, zergaitia aztertzeko bete beharreko “Txostena” atalera zuzenean joateko aukera ematen du. Horretarako, “Txostena” linkean klikatuko dugu. Bertan beteko ditugu, muga gainditze horren inguruko hainbat atal (deskribapena, zergatia, zuzentze neurriak, balorazioa, etab).

• Haserako pantailan “Desadostasunik gabe erakutsi indikatzaileen panela” klikatuz gero:  definitutako mugak gainditzen ez dituzten datuak bakarrik bistaratuko dira.

 

Funtzionalitate hau administrariaren perfilari bakarrik dagokio.

Inikan erabiltzen diren datu desberdinak kontutan izanda, hauek gertaera baten aurrean izan ditzaketen berezitasunen adierazleak dira. Hau da, datuak euren jokaera “normaletik” ateratzen direnean -muga gainditzean-, atentzioa gertaeran eta honen zergatian zentratzeko modu bat da.

Demagun, irakasle baten ikasleen suspentso kopurua aztertu nahi dugula, %60ak baino gehiagok gainditu ez badu, kasua aztertu eta dagozkion neurriak hartu ahal izateko.

• Gertaera: irakasle baten ikasleen suspentso kopurua.
• Indikatzailea: %60 (baino altuagoa).

“Indikatzaileen panela” atalaren bitartez, muga hauek zehaztu, muga hauek gainditzen dituzten gertaerak zeintzuk diren identifikatu eta gertaera hauen inguruko azterketako datuak erregistratzeko aukera izango dugu.

Aukera honen bitartez, irakasle bakoitzari dagokion ordutegia erregistratu nahiz kontsultatu ahal izango dugu.

Hasteko, irakaslea zehaztuko dugu “Irakaslea” eremuan:

 

Ordutegian, saio lektibo, zaintza, osagarri eta bileren berri eman beharko da. Horretarako:

“Mota” eremuan, saio lektiboa edo bestelakoa den adieraziko dugu.

Sesio lektiboa aukeratzen badugu, adierazi behar ditugun datuak honako hauek dira:

• Markoa: hasieran esan bezala, administrariak markoak zehaztuko ditu, bere ordu hasiera-amaierarekin, honen lana ondo egon behar du ondoren ordutegia sartzeko.
• Eguna: Asteko zein egun den zehaztu, Astelehena, Asteartea, Asteazkena, osteguna edo Ostirala.
• Ordua: Ordu edo sesioaren zenbakia zehaztuko dugu hemen.
• Taldea: saioa zein maila eta ikasgairi dagokion.
• Gela: datu hau ez da derrigorrezkoa.
• “Noiztik” eta “Nora” eremuetako datuen bidez, saio bera adierazitako denbora-tartean errepika dadin lortuko dugu. Hau da, adibidez, astearteko bigarren orduan kurtso hasieratik amaierara arte LH2A taldean Euskara emango dela zehaztuko dugu.
• Erregistroa gordetzeko,   ikurrari emango diogu.
• Erregistro bat ezabatzeko, dagokion “Ezabatu” zutabeko zelda aktibatu eta  botoia klikatuko dugu.

 

“Besteak” mota saio bat gehitzekotan, berriz:

• Markoa: Saio lektiboen kasuan bezala, adierazi behar da gure kasuan zein den behar dugun markoa.
• Mota: Bestelako saioa zehaztuko da: Osagarriak, Bilerak eta Zaintzak.
• Eguna: Asteko eguna zehaztuko dugu.
• Ordua: Ordu edo sesioaren zenbakia zehaztuko dugu.
• Deskribapena: Motaren arabera deskribapen bat idatziko dugu, hau ondorengo koaderno digitalean ikusiko dugu. Oso datu garrantzitsua da eta bete beharrekoa, ez utzi hutsik.
• Gela: saio lektiboen kasuan bezala, adierazi daiteke lan hori zein geletan emango den baina ez da daturik garrantzitsuena.
• “Noiztik” eta “Nora” eremuetako datuen bidez, saio bera adierazitako denbora-tartean errepika dadin lortuko dugu. Hau da, adibidez, astearteko bigarren orduan mintegi bilera badago.
• Erregistroa gordetzeko,   ikurrari emango diogu.
• Erregistro bat ezabatzeko, dagokion “Ezabatu” zutabeko zelda aktibatu eta  botoia klikatuko dugu.

 

ORDUTEGIAREN KONTSULTA

Sartutako datuak ordutegi-taula moduan bistaratu ahal izateko, “Asteko ikuspegia” zelda aktibatuko dugu.