“IRAGANERA”

Gezi honen bitartez, hiru eragiketa gauza ditzakegu:

• Saio kontsekutiboen artean:
  • Bi saio bat egitea.
  • Bi saioetako edukia egunez trukatzea.
• Saio-ez kontsekutiboen artean:
  • Saio bateko edukia bestera pasa eta tarteko saioak mugitzea.

Hiru eragiketa hauen abiapuntua bera da: lehenik, interesatzen zaigun saioari dagokion  botoia klikatuko dugu. Jarraian, saio hori baino lehenagoko beste saioa zein den zehaztuko dugu (bat egin edo trukatu nahi duguna, hain zuzen ere).

Horretarako,  botoia klikatu ostean agertzen den pantailan, “Aukeratu saioa” eremuko desplegablean zehaztuko dugu iraganeko saio hori:

Hemen banatzen da bidea: aukeratutako bi saioak kontsekutiboak badira, aukera batzuk izango ditugu; ez badira, beste batzuk.

Saio lektiboari dagokion ikasgaiaren izenaren gainean klikatzean, leiho berri bat irekiko da. Bertan izango dugu saioren planifikazioa nahiz ebaluazioa eta jarraipena burutzeko aukera. Leihoak hainbat erlaitz ditu: “Datuak”, “Hutsegiteak”, “Kalifikazioak”, “Jarraipena”, “Arau-hausteak”, eta “Baliabideak”.

DATUAK

Erlaitz honetan saioen planifikazioa burutu eta gauzatzea ebaluatuko dira. Ondoko taulan zehaztuko da atal bakoitza burutzeko bete beharreko eremuak zeintzuk diren.

PLANIFIKAZIOA	Unitatea (*)	Saio horretako edukia zein unitateri dagokion. Eremuan bertan idatz dezakegu.
	Jarduera (*)	Saio horri dagokion jarduera. Eremuan bertan idatz dezakegu.
	Aurreikuspena	Saio horretarako planifikatutako ekintzen zehaztapena.
EBALUAZIOA	Saioa eman al da?	Aurreikusitakoak gauzatu diren ala ez.
	IKT-rik erabili?	Edukia Aurrera eramateko IKTak erabili diren ala ez.
	Jarduera amaitutzat eman.	Aurreikusitako ekintzak amaitu diren ala ez.
	Nola joan da?	Saioaren balorazioa.

 

(*) Unitate eta jardueren kudeaketa:

Saio bati dagozkion unitate eta jarduerak esleitzeko, eremuetan idazteaz gain bada beste aukera bat: irakasleak kurtso haseran zehaztutako programazioaz baliatzea. Honela, pantailaren eskuinean dagoen “Unitateak” eremuko zerrendatik aukera dezakegu saio bati esleitu beharreko edukia. Horretarako, lehenik Unitatea aukeratuko dugu: hau, bilatzailean idatz dezakegu edo zerrenda errepasatuz bilatu. Unitatea klikatzean, honen barruko jarduerak desplegatuko dira. Hauen artetik aukeratuko dugu saioari dagokiona. Modu honetan, programazioan ezarritako Unitate eta Jarduera horri dagozkion “aurreikuspena” ere esleituta geldituko zaio saioari.

Ondoko irudian ikus dezakegu, ezkerreko “Unitateak” eremuko “SOKRATES” unitateko “Jar-2” jarduera aukeratu ostean, leiho bereko “Aurreikuspena” eremua automatikoki zehaztuta geldituko dela. (Programazioan aurreikuspenik zehaztuta ez balego, hau litzateke aurreikuspen hori eskuz betetzeko unea).

Bestalde, jardueren esleipena dela-eta, jarduera bakoitzaren egoera kolore batez adierazten dela esan dezakegu:

• Berdea: Jarduera bat inongo saiori esleitu ez bazaio.
• Gorria: Jarduera bat saioren bati esleitu bazaio.
• Grisa: Jarduera bat amaitutzat eman bada (“Jarduera amaitutzat eman” zelda aktibatu).

 

GAINERAKO ERLAITZAK (HUTSEGITEAK, KALIFIKAZIOA, JARRAIPENA, ARAU-HAUSTEAK, BALIABIDEAK)

Erlaitz hauek, Inikaren gainerako ataletarako laster-bideak dira. Adibidez, “Hutsegiteak” erlaitzera joz gero, saio hori dagokion taldeko ikasleen hutsegiteak kudeatzeko pantaila aurkituko dugu. Inikaren “Hutsegiteak” > “Saioka: Gaiko” atalean aurkituko dugun bera. Erlaitz hauek saioaren kudeaketaren barnean sartzearen arrazoia, saio baten kudeaketa integrala erraztea izan da. Modu honetan, pantaila beretik kudea baitaitezke saio baten inguruko aspektu guztiak.

Erlaitz bakoitzaren funtzionamendua ezagutzeko, jo bere izenak adierazten duen manualeko atalera.

 

TXERTAKETA

Saio berri bat txertatzeko, ordu eta egunari dagokion zelda txuriaren gainean klikatzean leiho berri bat bistaratuko da. Bertan zehaztuko ditugu txertatzera goazen saioaren ezaugarriak:

• Aukeratu saio-mota: “Lektiboa” nahiz “Pertsonala izan daiteke.

SAIO LEKTIBOA

Saio lektiboa txertatzera bagoaz, “Aukeratu Gaia” desplegablean zein gaitakoa den adieraziko dugu. Jarraian, “Unitatea” eta “Jarduera” idatziko ditugu. Saioa txertatzeko, “Gorde” botoia klikatuko dugu.

 

SAIO PERTSONALA

Saio pertsonalak, astero errepikatzen ez direnak dira. Adibidez, medikuarengana bagoaz. Kasu honetan, eguna(k) eta ordua(k) zehaztuko ditugu. “Testua” eremuan oharren bat idazteko aukera izango dugu. “Gorde” botoian klikatuz, saioa txertatuko da.

 

EZABAKETA

Saio bat ezabatzeko, honi dagokion  botoia klikatu eta eragiketa baieztatuko dugu.

Irakasle koadernoaren bigarren bistaratze-modua, “ikasgaikoa” erlaitzean agertzen dena, ikasgai bateko aste osoko saioena da.

Hau honela, pantaila honetara sartzean, irakasleari aste osoan dagozkion saioak bistaratuko dira, ikasgaika sailkatuta. Erlaitz honen funtzionamendua “Astekoa” erlaitzaren oso antzekoa da: informazioa modu beretsuan kudeatzen  da, aldatzen den gauza bakarra datuak bistaratzeko modua baita.

Hasteko, ondoko datuak zehaztuko ditugu:

• “Maila – Gaia”: kontsultatu nahi dugun ikasgaia eta maila.
• “Iragazkia”: eremu honetan, “Asteko filtroa” aukeratuz gero:
  • Asteko filtroa: kontsultatu nahi dugun asteko egun bat aukeratu eta aste horri dagozkion saioak bistaratuko dira (“aurrekoa” botoiaren bitartez, aurreko asterantz mugituko gara; “gaur” botoiaren bitartez, aste honetan kokatuko gara; “hurrengoa” botoiaren bitartez, hurrengo asteko saioetara joango gara).
• “Iragazkia”: eremu honetan “Daten artean” aukeratuz gero:
  • “Noiztik” eta “Nora” eremuetan kontsultatu nahi den data-tarteko hasera eta amaiera datak zehaztu.

Bistaratuko dena ondokoaren antzeko pantaila bat izango da:

Bertan, egun bakoitzean irakasle bakoitzari dagozkion saioak bistaratuko dira.

• Saioetan jarduerarik esleituta ez badago,  botoia klikatuz irekiko den pantailan gauzatuko dugu esleipena (asteko agendan azalduta dagoen modu berean).
• Saioren batean jardueraren bat esleituta badago, honen izenburua agertuko da eta, azpian, saioaren ebaluazioa (“IKTen erabilera”, “Aurreikuspena” eta “Nola joan da?” edo balorazioa).

Hau honela, erlaitz honetan ere saioen planifikazioa burutu, eta hauen gauzatzea ebaluatuko dira.

Labur azalduta, ondokoak dira pantaila honek eskaintzen dituen aukerak.

	Saioak kudeatzea. https://help.inika.net/eu/saioen-kudeaketa2/ atalean azaltzen da prozesua.
	Saioa ebaluatu.
	Jarduera bat amaitutzat emateko.
	Saioa amaitutzat emateko.

 

Aurreprestaketa lanak uztartuz lortutako emaitza da pantaila hau: Administratzaileak egindako markoak eta egutegi lektiboa ezartzea; irakaslegoak ondoren egindako ordutegiaren txertaketa.

Asteko egutegiak ondoko itxura izango du: irakasle bakoitzari dagozkion aste guztiko ikasgaietako eta zaintzetako saioak bistaratuko dira, kolore desberdinez bereiztuta.

Sistemak, defektuz, gauden asteko ordutegia bistaratuko du. Dena den, goian eskubian dauden “<” eta “>” gezien bitartez, astez alda gaitezke.

 

Goiko irudian ikus daitekeen bezala, saioak kolore desberdinez bereizten dira:

Saio lektiboei dagokienez, zelda bakoitzean ondorengo informazioa adierazten da:

• Ordutegia: 08:50 – 09:40
• Gaia-Taldea: BATX 1A BIOLOGIA ETA GEOLOGIA
• Zaintza orduen kasuan, ordu horretan zaintzan egon zarela adierazteko lasterbidea daukagu: zeldan bertan klikatuz baiezta dezakegu.
• Zeldaren gainean sagua kokatzean, leiho berri batean adieraziko da bertan zein jarduera dauden esleituta (bakarren bat esleituta dagoen kasuan).

• Saio bat amaitutzat ematen dugunean, asteko agendan grisez agertuko da.

 

Ordutegiko saioekin egin daitezkeen eragiketa desberdinen bitartez gauzatzen dira irakasle baten eguneroko kudeaketa-lanak.

 

Kudeaketa gauzatzeko, saio bakoitzeko aukera desberdinak ditugu:

• Saio berrien txertaketa / Saioen ezabaketa.
• Saioen kudeaketa (planifikazioa / balorazioa).

Jarraian azalduko dugu aukera bakoitza: