Month: azaroa 2016

Atal honetan Eusko Jaurlaritzaren Hezkuntza saileko arauei jarraituz, LOMCE legea dela-eta ebaluatu beharreko konpetentziak kontsultatzeko aukera eskaintzen da. Legeari jarraiki, DBH eta LH6rako bakarrik eskaintzen da aukera hau.

Horretarako, “Maila” eremuan zehaztuko dugu kalifikatu nahi dugun maila. Sistema, defektuz, gauden ebaluaketan kokatuko da (datua “Ebal” eremuan aldatzeko aukera dagoen arren).

Pantaila honen egiturari dagokionez, zehaztutako taldeko ikasleen zerrenda bistaratuko da. Ikasle bakoitzeko, konpetentzia adina zutabe aurkituko ditugu. Zutabe bakoitzeko goiburukoa konpetentziari dagokion laburdura izango da (zehaztapenak pantailaren azpiko aldean aurkituko ditugu).

Konpetentziak Hezkuntzak ezarritako kalifikazioen bitartez baloratuko dira:

Talde/Ikasgai bateko nota guztiak aldi berean kontsultatzeko, menuko “OROKORRA: Gaika” azpi-atalera joko dugu.

• “MAILA – GAIA” eremuan kalifikatu nahi den ikasgaia zehaztean, gai horretako ikasleen zerrenda bistaratuko da.
• “Ebal.” eremuan, defektuz, sistemak gauden ebaluaketa zehaztuko du (datua aldagarria izanik).

Pantaila honek ondoko informazioa eskaintzen du:

• Zehaztutako taldeko ikasle bakoitzaren izena eta talde naturala.
• Ikasle bakoitzeko:

Pantailaren azpiko eremuan, aukeratutako ikasgai eta taldearen inguruko hainbat estatistika ikusi ahalko ditugu.  Estatistiken eremuko lehen lerroan,  ikasgaiko suspentso, gaindituen eta notarik gabeko ikasleen ehunekoak ikus daitezke. Bigarren lerroan, berriz, kontzeptu ezberdinei eman zaien ehunekoen  araberako estatistikak ageri dira. Ehuneko hauek aldez aurretik Inikan zehaztu behar dira.

Atal honetan, ebaluazio-bileretan ikasleen inguruan agertutako ekarpen eta oharrak kontsultatu eta editatzeko aukera izango du orientatzaileak. Jarraian azalduko dugu nola:

Pantaila honetan, adierazitako taldeko (eta data-tarteko) ikasleen arau-hausteak bistaratuko dira. Modu honetan, hauen jarraipena burutu ahal izango da. Ondokoa bezalako pantaila bat bistaratuko da:

Arau-hausteen jarraipena burutzeko, ondoko pantaila bistaratuko da:

“Filtroak” atalean, arau-haustea zehaztuko dugu:

Datu hauek zehaztu ostean, baldintza horiek betetzen dituzten arau-hausteak bistaratuko dira pantailan. Besteak beste, arau-hausteen inguruko datu hauek agertuko dira:

Atal honen bitartez, edozein ikasleri arau-haustea gehi diezioke orientatzaileak.

Horretarako, “Maila” eremuan arau-haustea gehitu nahi zaion ikasleari dagokion taldea zehaztuko da eta “Ikaslea” eremuan, ikaslea bera.

Jarraian, ikasle horri dagozkion arau-hausteak bistaratuko dira. (Defektuz, sistemak gaur arteko arau-hausteak bistaratuko ditu).

Edozein unetako arau-hausteak kontsultatzeko, “Noiztik” eta “Nora” eremuetan zehaztu data-tarte hori.

Aipatzekoa da, “Aldatu/ezabatu” zutabeko “Eranskina1” eta “Anexo1” loturen bidez, dagokion arau-haustearen idatzizko ohartarazpena eskuratu ahalko dugula.

“Jokabide berri bat gehiago ikasleari” loturan klikatuz, ikasleari arau-hauste berri bat gehitzeko aukera izango dugu. Ondoko pantailako eremuak bete beharko ditugu horretarako:

Hasteko, “Saioa” eremuan zein saiotan gertatu den adieraziko dugu eta “Eguna” eremuan, arau-haustearen data. “Arau-Hauste” mota eremuan dagokiona aukeratuko dugu. “Gaia” eremuan, berriz, zein ikasgaitan gertatu den zehaztuko dugu.

“Jokabidea” eremuan, legezko arau-hausteen artean aukeratu beharko dugu gertatu dena (eskuinaldeko “Jokabideak” atalean dauzkagu arau-hauste hauek irakurgai). “Deskribapena” eremuan, irakasleak hala baderitzo, gertatu dena azaltzeko aukera dauka. “Neurria1”, “Neurria2”, “Neurria3” eremuetan, arau-hausteari aurre egiteko hartutako legezko neurriak zehaztuko dira (eskuinaldeko “Neurriak” atalean dauzkagu neurri hauek irakurgai).  Bestalde, “NeurriaN” bakoitzaren azpian bada eremu bat, nahi izatekotan oharren bat gehitzeko.

Arau-haustea gordetzeko  botoia klikatuko dugu.

Gordetako arau-hausteren bat editatzeko, haserako pantailako “Aldatu/Ezabatu” zutabera joko dugu:

Bertan,  botoia klikatuz gero, arau-haustearen formularioa agertuko zaigu. Egin beharreko aldaketak egin ostean,    botoia klikatuko dugu. Bestalde,  botoia klikatzen badugu, arau-haustea ezabatuko da.

Atal honetan sartzean, hiru erlaitz bereiztu ahalko ditugu:

• “Ikasleari”
• “Jarraipena ikasleari”
• “Jarraipena taldeari”

Ikasleari

Atal honetan, ikasleen anotazioak gehitzeko aukera izango dugu.

“Maila-taldea” eremuan zehaztuko dugu anotazioa gehitu nahi diogun ikasleari dagokion taldea. “Data” eremuan, berriz, gaurko data agertuko da (datua aldagarria izanik).

Informazioa honela antolatuta dago:

Ikaslea	Tutorizatutako taldeko ikaslea.
Anotazioa	botoia klikatzean irekiko den leihoan, dagokion ikaslearen inguruko anotazioak idatz ditzakegu.
Publiko	Sartutako informazioa Inikan publiko egin nahi bada, zelda hauek aktibatuko ditugu: Publiko(ikastetxea): Zentruko irakasle, tutore etab. ek Inikan informazio hau ikus ahal izan dezaten. Publiko(guraso): ikasleen gurasoek Inikan informazio hau ikus ahal izan dezaten.
Ezabatu	Zelda hau aktibatu eta  botoia klikatzean, dagokion erregistroko datuak ezabatuko dira (ez erregistroa bera).

Informazio honekin, ondoko eragiketak gauza daitezke:

	Existitzen den erregistroren batean aldaketaren bat eginez gero, “Gorde” botoian klikatuko dugu hau gordetzeko.
	Erregistroren bateko edukia ezabatzeko, dagokion erregistroaren eskuinaldean dagoen “Ezabatu” zutabea aktibatu eta  “aukeratutakoak ezabatu” botoia klikatuko dugu.