Inika_TUT_eus

Esan dezakegu ikasgaien agenda asteko agendaren deribatu bat dela, saio lektibo guztiak bertikalki bistaratzen direnez, asteko agendako hauen edukiak ere bai.

 

Ondorengo irudian ikus dezakegu atal honen egitura

“Maila-Gaia” eremuan ematen den gaia eta taldea zehaztuko dugu, gure kasuan: “BATX 2/A-FILOSOFIA II”. “Astea aukeratu” eremuan kontsultatu nahi dugun astea aukeratuko dugu. Ondoren, adierazitako aste horretan BATX 2/A mailan emango diren “FILOSOFIA II”-ko sesioak bistaratuko dira.

 

Saio bakoitzeko goiburuan, kolore grisez azaltzen da, unitatearen edukia ikusten da; Sesioaren gorputzean ondorengo datuak agertzen dira: Hasiera eta amaierako data, aurreikusitako jarduera eta egindako aurreikuspenaren xehetasunak, baita saioaren garapena baloratzeko aukera, hau amaitutzat ematea, IKT-n erabileraren erregistroa, dokumentu honetako 2.3 Atalean adierazitako “a pasado/a futuro” mugimenduak egitea, etab. Azken finean, atal honek saio lektiboekiko asteko agendaren aukera berdinak eskaintzen ditu.

Edukien agenda bistaratzeko aukera desberdinak daude. Aukera horiek “Maila-Gaia” eremuaren azpiko zabalgarrian adierazten dira. Era honetara aste zehatz bateko sesioak bistaratu ditzakegu, edota, bi daten arteko sesioak.

 

  UNITATE/JARDUERA-K SARTU

 

Azken mugimendua. Ez da mugimendu bat baina mugimendu bat eragiten du. Botoi honekin Unitate+Jarduera bat gehituko dugu guk adierazitako egunean. Honekin egun horretan zegoen jarduera A FUTURO mugituko du eta horren ondoren dauden guztiak ere.

 

Ikus dezagun adibide bat, argiena baita:

Euskara hartuko dugu. 08/12/2015 sesioaren gainean   botoia klikatuko dugu eta hor unitate-jarduera berri bat gehituko dugu:

Honelako leiho bat irekiko zaigu. Bertan bi aukera ditugula esan dezakegu:

• Unitate bat aukeratu. “Aukeratu edukia” desplegatzen badugu Euskarako eduki eta jarduera guzti-guztiak agertuko dira, bai emanak edo eman gabeak. Zergatik aukera dezakegu sortutako eduki bat? Adibidez sesio horretan orain dela bi aste emandako jarduera baten errepasoa egin nahi dugulako. Honek zer egingo luke? Jarduera orain dela bi astetik kendu? EZ! Honek kopiatu besterik ez du egingo, beraz jarduera hori egun batean “programatuta” egongo zen, hor jarraituko du, bakarrik zuk esandako egunean ere berdin berdina edukiko duzula.
• Unitate– Jarduera ataletan zuk nahi duzuna idatzi eta hori gordeko da. Eskola batek adibide argi bat esan zigun. Dema dezagun Xabier Lete hil dela eta gu Euskarako irakasle gisa bere bizitzari buruz hitz egin nahi diedala nire ikasleei gaurko egunez. Jarduera hori ez nuen hasieratik programatuta, orduan irakasleak gehitu egingo du jarduera berri hori bere asteko programazioan.

Xabier leteren adibide hori erabiliko dugu jarduera berria gehitzeko eta ikusteko nola geldituko litzatekeen gure programazioa:

 

08/12/2015-eko sesioan “Xabier Lete” “Bere bizitza eta Lanak” gehitu du, hori jarri baitugu Unitate eta Jarduera gisa. Abenduaren 8-an eman behar genuen Jar-02 abenduaren 10rera mugitu da, eta horrela hurrengo guzti guztiak. Beraz, jarduera gehitu du eta bertakoa eta ondorengo guztia A FUTURO mugituko du posizio bat.

 

KONTUTAN IZAN BEHARREKOA: Mugimendu honekin, aukeratutako ikasgai eta taldeko jarduerak mugitzen dira. Adibidez, “BATX2-2Ako Filosofia II” edo “DBH1/A-ko Euskara”-rekin ari bagara, haun jarduerak bakarrik mugituko dira, beste ikasgaiak bere horretan geldituko dira.

Ordutegiko saio bakoitzak, edukiak kudeatzeko aukera desberdinak ematen ditu:

–  Aukeratutako saioa iraganera mugitzea.

–  Aukeratutako saioa etorkizunera mugitzea.

– Saio bat txertatzea.

– Saioa ezabatzea.

Jarraian azalduko dugu mugimendu hauetako bakoitza.

Gezi hauen bitartez, denboran zehar mugitu, jardueren edo edukien iraupena laburtu edo luzatu ahal izango da. Egin daitezkeen mugimenduak atzera edo aurrera dira, hau da, “iraganera” edo “ etorkizunera”, hurrenez hurren.

Botoi honetan klikatuz gero, sesioaren xehetasunak bistaratuko dira.

Datuak atalean, unitatearen izena eta jarduerez aparte, burutzeko egin den aurreikuspena bistara daiteke. Halaber, adieraz dezakegu edukia eman den ala ez, jarduerak burutzeko IKT-ak erabili diren edo unitatea amaitutzat ematen del ala ez. Aurreikuspenari dagokionez, “Nola joan da?” eremuan sesioaren garapena baloratzeko lekua daukagu; eremu honetara aurreikuspena kopiatu nahi izanez gero, ondorengo botoia  klikatuko dugu.

“Unitatea amaitutzat eman nahi duzu?” eremuari dagokion zeldatxoak arreta berezi bat merezi du. Zeldatxo hori aktibatutakoan, izenak berak adierazten duen bezala, unitatea amaitutzat emango da. Aurreikusitako jarduera guztiak egin gabe duen unitatea amaitutzat ematea nahi izanez gero, zeldatxo hori aktibatutakoan sistema berak egokituko du gainerako programazioa egutegira, aurreikusitako unitateak/jarduerak dagozkion sesioetara mugituz. Zeldatxo hori aktibatuko ez bagenu, aurreikusita zeuden jarduerak eta benetan emango ez direnak “eman gabekoak” bezala bistaratuko dira, beraz indikatzaile bat bistaratuko da jarduera batzuk eman gabe daudela esanez.

Behin konfigurazio eta aurreprestaketa lan horiek egindakoan, eguneroko kudeaketa gauzatzeko prest dago aplikazioa.

Irakasle bati dagozkion eguneroko kudeaketa-lan hauek “Kuadernoa” > “Astekoa agenda” atalaren bitartez eramango dira aurrera. Dena den, eInikako sarrerako pantailan “asteko agenda”rako lasterbidea aurki dezakegu “Eguneko Jarraipena” atalean:

Kudeaketa-lan hauek, ondokoak izan daitezke, besteak beste: edukien planifikazioa eta errealitatean emandakoa kudeatzea, hutsegiteak sartzea, etab.

Pantaila honetan, irakaslearen asteko ordutegia bistaratzen da, non erregistratutako saio desberdinak bistaratzen diren: Zeregin lektiboak, zaintzak, bilerak, etab…

Pantaila bi erlaitzetan banatuta dago: “Astekoa” eta “Ikasgaiena”. Erlaitz hauetan, datuak bistaratzeko modua da aldatzen dena:

• Astekoa: aste bateko ikasgaien ordutegia bistaratzen da.
• Ikasgaiena: ikasgai baten asteko ordutegia.

Jarraian azalduko dugu erlaitz bakoitzaren funtzionamendua:

Atal honen bidez, ikasgaiei dagozkien programazioak sartuko ditugu.

Horretarako, “Programazioa” eremuan adieraziko dugu ikasgaia zein multzotatik aukeratuko dugun:

• Gaika: “Gaika” zehaztuz gero, “Maila-gaia” eremuan irakasle bezela esleituta ditugun ikasgaiak bistaratuko dira.
• Mintegika: “Mintegika” zehaztuz gero, “Maila-gaia” eremuan dagokigun mintegiko ikasgai guztien zerrenda bistaratuko da.

Behin multzoa zehaztutakoan, “Maila-gaia” eremuan adieraziko dugu zein ikasgairen programazioa zehaztuko dugun. Aukeraketa egindakoan, gai horri esleitu dizkiogun programazio desberdinak bistaratuko dira.

 

Programazio berri baten esleipena bi zatitan egingo dugu: Programazioaren sorrera eta edukien kudeaketa.

 

PROGRAMAZIOAREN SORRERA

1. Ikasturtea: Gehitu nahi den programazioari dagokion ikasturtea adieraziko dugu. Ikasturtearen formatua ondokoa izango da: “XXXX-XXXX” (Adibidez: 2014-2015)
2. Azalpena: Sartu behar dugun programazioaren deskribapen txiki bat, identifikazio moduan.

Eredua nondik hartu?: gerta daiteke erregistratuta dagoen programazio eredu bat erabili nahi izatea aldaketa batzuk egiteko. Kasu hauetarako eremu honetan adieraziko dugu ze programazio eredu den.

 3. Programazio luzea: Aukera honen bitartez programazioa PDF formatuan erantsi ahal izango da.

 4. Erregistroa  botoiaren bitartez gordeko dugu.

 

 

EDUKIEN KUDEAKETA

Behin puntu honetara iritsita, esan dezakegu programazioa sortuta dagoela, beraz dituen unitate eta jarduerak kudeatu beharko dira.

1. Taldeak zehaztu: Botoi honen bitartez, sartu dugun programazioa ze taldetan burutuko den adierazteko aukera daukagu.

Gerta liteke, talde bakoitzak programazio desberdin bat behar izatea (bai haseratik hala erabakita, bai ikasturtean zeharreko erritmoak errespetatzeko, etab). Hau honela, programazioari dagozkion taldeak esleituko dizkiogu, ondoren, bakoitzari dagokion jarraipena gauzatu ahal izateko.

1. Programazioa: Ikasgaiaren inguruko informazioa, besteak beste: Helburuen zehaztapenak, metodologia, baliabideak…

iii. Unitateak Kudeatu: Puntu honetan programazioko edukiak denboralizatuko dira. Hau da, unitate (eta jarduera) bakoitzari dagokion saio kopurua zehaztuko da.

 

Goiko  irudian ikusten den bezala unitate bakoitzak ondorengo datuak ditu:

• Ordena: Eduki bakoitzari dagokion hurrenkera.
• Ebaluaketa: Erregistratu behar dugun unitateari dagokion ebaluaketa.
• Unitatea: Unitatearen izena.
• Saio kop.: Unitatea amaitutzat emateko aurreikusten den saio kopurua.

Bestalde, Unitate bakoitzeko ondoko eragiketak gauzatzeko aukera eskaintzen da:

	Unitatea gehitu	Programazioan Unitate berri bat gehitzeko.
	Unitatea zehaztu	Unitatearen aurkezpena.
	Jarduerak garatu	Unitate bati dagozkion jardueren plangintza eta denboralizazioa gauzatzeko.
	Unitatea ezabatu	Unitate bat zerrendatik ezabatzeko, dagokion “ezabatu” zutabeko zelda aktibatu eta  botoia klikatuko dugu.

 

  Unitatea gehitu / zehaztu

Bi botoi hauetakoren bat klikatzean, leiho berri bat irekiko da. Bertan eskatzen diren datuak zehaztuko ditugu:

• Saio kopurua: Unitateko jarduerak gauzatzeko aurreikusitako saio kopurua.
• Ebaluaketa: Unitatea zein ebaluaketari dagokion.
• Unitatea: Unitatearen izenburua. (“Gehitu” botoiaren kasuan bakarrik zehaztuko dugu eremu hau; “zehaztu” botoiaren kasuan, aurrez zehaztutako unitatea izango baita).
• Edukia: Unitatearen aurkezpena edo deskribapena txertatzeko eremua.

Datuak gordetzeko, “Gorde” botoia klikatuko dugu.

 Jarduerak garatu

Unitate bakoitzari jarduera batzuk dagozkio. Jarduera horien planifikazioa kudeatzea irakaslearen lana izango da: defektuz, Inikak aurreko pantailako “Saio kop.” eremuan ezarrita dauden saio kopuru bakoitzeko jarduera bat sortuko du. Adibidez, “Sofistak” unitatearentzako 5 saio aurreikusi badira, defektuz, sistemak hauentzako 5 jarduera sortuko ditu. Dena den, pantaila honek eskaintzen dituen eragiketa desberdinen bitartez (gehitu, ezabatu, editatu) jardueren plangintza gure beharretara egokitu dezakegu (kasu honetan, saio kopuru handiagoko jarduera gutxiagotara murriztuz).

Jarduerak kudeatzeko, ondorengo eremuak beteko ditugu:

• Ordena: Jardueren ordena.
• Jarduera: Ekintzaren izenburu/izena.
  •  Aurreikuspena: Ezarri diren jarduerak burutzeko aurreikusita dauden aktibitateen deskribapena
• Saio kopurua: Jarduera bakoitzari dagokion saio kopurua.

 

	Jarduera gehitu	Unitateari jarduera berri bat gehitzeko.
	Jarduera zehaztu	Jardueraren aurkezpena.
	Jarduera ezabatu	Unitate bat zerrendatik ezabatzeko, dagokion “ezabatu” zutabeko zelda aktibatu eta  botoia klikatuko dugu.

 

 Jarduera garatu

Botoi hau klikatzean, leiho berri bat irekiko da. Bertan eskatzen diren datuak zehaztuko ditugu:

• Saio kopurua: Jarduera gauzatzeko aurreikusitako saio kopurua.
• Ebaluaketa: Jarduera zein ebaluaketari dagokion.
• Unitatea: Jardueraren izenburua.
• Edukia: Unitatearen aurkezpena edo deskribapena txertatzeko eremua.

• Zereginak: erlaitz honetan, jarduera aukeratutako jarduerari dagozkion ataza desberdinak zerrendatuko ditugu.

Datuak gordetzeko, “Gorde” botoia klikatuko dugu.

Aurreprestaketa lanen artean, irakasleak dagokion ordutegia erregistratu beharko du koadernoan. (Administrariak ere badu irakasle guztien ordutegiak gordetzeko baimena, beraz, lan egiteko modua zentruak berak erabaki beharko du).

Ordutegia sartzeko, menuko “Ordutegia sartu” aukerara joko dugu.

Pantaila hau, bi erlaitzetan banatuta dago:

• Ordutegia sartu: saioak erregistratzeko.
• Ordutegia ikusi: saioak kontsultatzeko.

 

ORDUTEGIA SARTU

Ordutegian, saio lektibo, zaintza, osagarri eta bileren berri eman beharko da. Horretarako:

“Mota” eremuan, saio lektiboa edo bestelakoa den adieraziko dugu.

Sesio lektiboa aukeratzen badugu, adierazi behar ditugun datuak honako hauek dira:

• Markoa: hasieran esan bezala, administrariak markoak zehaztuko ditu, bere ordu hasiera-amaierarekin, honen lana ondo egon behar du ondoren ordutegia sartzeko.
• Eguna: Asteko zein egun den zehaztu, Astelehena, Asteartea, Asteazkena, osteguna edo Ostirala.
• Ordua: Ordu edo sesioaren zenbakia zehaztuko dugu hemen.
• Taldea: saioa zein maila eta ikasgairi dagokion.
• Gela: datu hau ez da derrigorrezkoa.
• “Noiztik” eta “Nora” eremuetako datuen bidez, saio bera adierazitako denbora-tartean errepika dadin lortuko dugu. Hau da, adibidez, astearteko bigarren orduan kurtso hasieratik amaierara arte LH2A taldean Euskara emango dela zehaztuko dugu.
• Erregistroa gordetzeko,   ikurrari emango diogu.
• Erregistro bat ezabatzeko, dagokion “Ezabatu” zutabeko zelda aktibatu eta  botoia klikatuko dugu.

 

“Besteak” mota saio bat gehitzekotan, berriz:

• Markoa: Saio lektiboen kasuan bezala, adierazi behar da gure kasuan zein den behar dugun markoa.
• Mota: Bestelako saioa zehaztuko da: Osagarriak, Bilerak eta Zaintzak.
• Eguna: Asteko eguna zehaztuko dugu.
• Ordua: Ordu edo sesioaren zenbakia zehaztuko dugu.
• Deskribapena: Motaren arabera deskribapen bat idatziko dugu, hau ondorengo koaderno digitalean ikusiko dugu. Oso datu garrantzitsua da eta bete beharrekoa, ez utzi hutsik.
• Gela: saio lektiboen kasuan bezala, adierazi daiteke lan hori zein geletan emango den baina ez da daturik garrantzitsuena.
• “Noiztik” eta “Nora” eremuetako datuen bidez, saio bera adierazitako denbora-tartean errepika dadin lortuko dugu. Hau da, adibidez, astearteko bigarren orduan mintegi bilera badago.
• Erregistroa gordetzeko,   ikurrari emango diogu.
• Erregistro bat ezabatzeko, dagokion “Ezabatu” zutabeko zelda aktibatu eta  botoia klikatuko dugu.

 

ORDUTEGIA IKUSI

Sartutako datuak bistaratu ahal izateko, “Ordutegia ikusi” erlaitzera joko dugu.

Atal honetan, sartzen garenean beheko pantaila agertuko zaigu eta bertan nahi dugun astea aukeratuko dugu “Aukeratu astea” eremuan eta lupari emango diogu.

Pantaila honetan, behin astea aukeratzen dugunean irakasleak aste horretan dituen zaintzak bistaratzen dira (zaintza hauek aurretik “Irakasle koadernoa” > “Ordutegia sartu” atalean zehaztuta daude). Goikaldean ageri diren 3 ikonoek, pantaila honen funtzionalitate bakoitzari erreferentzia egiten diete. Ondoren azalduko dugu bakoitza zertarako erabiltzen den.

 Sinatu: “zaintza” ordua bete duzula adierazteko botoia da hau. Berau klikatzean, ondoko galdera bistaratuko da:

“OK” klikatuz gero, baieztatu egingo dugu.

 Ez-etortzea hartu: Zaintzaren zeldan ikono hau ageri bada, zaintza hori burutu dezaketen irakasleen artean gaudela esan nahi du. Botoi horretan klikatzean, ondoko pantaila bistaratuko da:

Pantaila honetan bi eremu bereiz ditzakegu:

–       Ez-etorriak: etorri ez den irakaslea eta Saioa zein talde (eta ikasgai)tan eman behar duen. Saio horretako edukia zehazteko aukera ere badago.

Etorri ez den irakasle horren zaintza hartzea nahiko bagenu “Hartu” zutabeko zeldatxoa aktibatu eta  botoiari emango diogu. Kasu honetan, iada baieztatu dugu zaintza hori burutuko dugula.

–       Zaintzako irakasleak: zaintza hori ordezkatzeko “libre” dauden irakasleen zerrenda.

Zaintza kudeatu: Zaintza orduren bat esleituta badaukagu, ikono hau agertuko da zaintza orduaren zeldan.

Bertan klik egitean irekiko den leihoan zaintza-orduaren nondik norakoak zehazteko aukera izango dugu: hutsegiteak erregistratu, saioa baloratu, edo esleipena desegin.

Pantaila honetan, goiko partean grisez agertzen da ordezkatu behar dugun irakasleari buruzko informazioa. Adibidez demagun 2. orduan ezin dugula etorri beraz, zaintza hau kendu egin beharko genuke beste irakasleren batek zaintza hori hartzeko aukera izan ahal izateko horretarako “Zaintza desegin” eremuko zeldatxoa aktibatuko genuke eta “Gorde” botoiari emango genioke. Hutsegiteren bat sartzea nahiko bagenu  botoiari emango genioke eta hutsegiteen pantaila agertuko litzaiguke hor sartuko genituzke hutsegiteak eta gorde botoiari emango diogu. Azkenik zaintzan zerbait gertatu bada “Zaintzan gertatutakoa” eremuan idatziko genuke eta “gorde” botoiari eman.

 

Atal honetan, ez etortzeen jakinarazpena gauzatuko da. Horretarako, ondoko datuak beteko ditugu:

•  “Noiztik” eta “Nora” eremuetan, ez-etortzearen iraupena (eguna edo egunak).
• “Ordua” eremuan, faltako garen saioa(k) zein(tzuk) izango d(ir)en.
  •  “ordu guztiak” aukeratuz gero, egun osoko falta bezala hartuko da.
• “Zeregina” eremuan, egiteko utzitako lana.
• Behin zehaztapenak egindakoan  botoiari emango diogu.

“Ez-etortze”-ren bat ezabatu nahi izanez gero dagokion “Ezabatu” zutabeko zeldatxoa aktibatuko genuke eta  botoiari emango genioke.