Inika IR kuadernoa – Adm perfila

Matxuren kudeaketa gauzatu ahal izateko, hauek multzotan bana ditzakegu. Horrela, adibidez, ondoko sailkapena izan dezakegu:

• INFORMATIKA: Matxura informatikoak.
• ELEKTRIZITATEA:elektrizitatearekin erlazionatutakoak.
• MANTENUA: Pertsiana, maratila, etab. en mantenuarekin erlazionatutakoak.

Atal honetan, multzokatze hau gauzatuko da.

MULTZO BERRI BAT GEHITU

Multzo berri bat gehitzeko, lehen lerroko “Multzoaern izena euskaraz” eta “Multzoaren izena erdaraz” eremuetako datuak zehaztuko ditugu.

Jarraian, botoia klikatu eta zerrendan multzo berria gehituko dela ikusiko dugu.

MULTZOA EZABATU

Zerrendatik multzo berri bat ezabatzeko, dagokion “Ezabatu” zutabeko zelda aktibatu eta botoia klikatuko dugu.

Erlaitz honetan erregistratuko ditugu baliabide guztiak. Modu berean definituta geldituko dira baliabide hauen eta dagozkien taldeen arteko erlazioak.

Ondokoak dira pantaila honetan gauzatu daitezkeen eragiketak:

BALIABIDE BERRI BAT GEHITU

Zerrendan baliabide bat gehitzeko, ondoko eremuak beteko ditugu:

• “Baliabidearen izena euskaraz”: baliabidea (euskaraz).
• “Baliabidearen izena erdaraz”: baliabidea (gazteleraz).
• “Erreferentzia”: identifikadore zenbakia.
• “Gordeta dagoen lekua”: fisikoki non dagoen gordeta.
• “Multzoa”: baliabideari dagokion taldea.

Baliabide bat erregistratzeko,  botoia klikatuko dugu.

 

BALIABIDEA EDITATU

Baliabidearen edozein datu editatzeko, zerrendako eremu horretako edukia aldatu eta  botoia klikatuko dugu.

 

BALIABIDEAK EZABATU

Baliabide bat zerrendatik ezabatzeko, dagokion “Ezabatu” zutabeko zelda aktibatu eta botoia klikatuko dugu.

 

Erlaitz honetan, baliabideen erreserben kudeaketa eta kontsulta gauza dezakegu. Horretarako, ondoko eremuak zehaztuko ditugu:

• Multzoa: kontsultatu nahi dugun baliabideari dagokion taldea.
• Errekurtsoa: kontsultatu nahi dugun baliabidea.

Eremu hauek zehaztu ostean, baliabide honi dagokion egutegia bistaratuko da: asteko taulan markatuta agertuko dira baliabide hau erreserbatuta dagoen saioak (eguna eta ordua).

 

Ondokoak dira baliabideen kudeaketa aurrera eramateko gauzatu daitezkeen eragiketak:

• Erreserba gehitu.
• Erreserba editatu eta ezabatu.

 

ERRESERBA GEHITU

Aukeratutako baliabidea erreserbatu nahi dugun eguna eta orduari dagokion zeldan klikatuko dugu. Ondokoa bezalako leiho bat irekiko da:

Irakaslea	Erreserba zein irakasleren izenean gauzatu nahi den.	Administrariak edozein irakasleren izenean gauza dezake erreserba bat.
Langileak	Erreserba langileren baten izenean egin nahi bada, zehaztu eremu honetan.
Gaia	Erreserba zein maila/talde/ikasgaitarako egin nahi den.	Aukeratutako irakasleari dagozkion taldeen artean aukeratu beharko da.
Data	Erreserba zein datatarako egin nahi den. Administrariak erreserba masiboak gauzatzeko aukera izango du: zehaztutako denbora-tarte batean errepikatuko den erreserba, hain zuzen ere.	Egutegian klikatutako saioari dagokion datarekin beteko da automatikoki hasera-data. Amaiera-data bigarren eremuan zehaztuko dugu.
Egunak	Erreserba zein astegunetarako egin nahi den.	Egutegian saioa aukeratzean automatikoki beteko da eremu hau.
Ordu tartea	Erreserba zein ordutatik zein ordutara gauzatu nahi den.	Egutegian saioa aukeratzean automatikoki beteko da eremu hau
Deskribapena	Erreserbaren inguruko informazioa.

Erreserba gauzatzeko, “Gorde” botoia klikatuko dugu.

Arazorik egon ezean, erreserba gauzatu egingo da. Aukeratutako saioren batean aurrez erreserbarik egonez gero (erreserba masiboen kasuan, esaterako), ondokoa bezalako mezu bat bistaratuko da:

• OK: erreserba soilik libre dauden saioetarako egingo da (aurrez erreserbatutako saioetan ez).
• Cancel: ez da inongo erreserbarik gauzatuko.

 

ERRESERBA EDITATU edo/eta EZABATU

Existitzen den erreserbaren bat ezabatu edo bertan aldaketak egin  daitezke ondokoa kontutan izanez gero:

• Administrariak: edozein irakasle/langileren izenean egindako erreserbak alda/ezaba ditzake.
• Irakasleak: bere izenean egindako erreserbak soilik alda/ezaba ditzake.

Horretarako ondoko pausuak jarraituko ditugu:

Klikatu erreserbari dagokion zeldan. Ondokoa bezalako leiho bat irekiko da:

 

Hurrengo aukerak ditugu:

	ALDAKETA	Editatu beharreko eremua aldatu ostean, “Gorde” botoia klikatu.
	EZABAKETA	Aukeratutako erreserba ezabatzeko, “Ezabatu” botoia klikatu.
	EZEZTATU	Eragiketa ezeztatzeko.
“Erreserba guztiak batera ezabatu/aldatu nahi?”	ERRESERBA MASIBOAK	Aukeratutako erreserba masiboetarikoa bada, multzoko erreserba guztiak batera aldatu/editatu nahi izanez gero, aktibatu zelda hau. Hala izan ezean, desaktibatu.

Erreserba masiboen kasuan ondokoa bezalako leiho bat bistaratuko da:

 

Baliabideak egunerokotasunean kudeatu ahal izateko, ezinbestekoa da hauen erregistroa eguneratuta izatea. Atal honetako hiru erlaitzen bitartez gauzatuko ditugu konfigurazio lan horiek:

• Egutegia: baliabideen erreserbak kudeatzeko.
• Multzoak: baliabideak taldeetan banatzen dira. Erlaitz honetan sortuko ditugu talde horiek.
• Baliabideak: zentruko baliabide desberdinak erregistratzeko (multzokatuta).

Jarraian azalduko dugu erlaitz hauen funtzionalitatea:

Atal honetan, zentruan ditugun baliabide (materialen) erreserben kudeaketa gauzatzeko aukera daukagu. Eguneroko kudeaketa gauzatu aurretik, atala konfiguratu behar da: baliabide desberdinak erregistratu eta multzokatu, etab.

Ordutegia osatzerako garaian, konfigurazio aukera desberdinak daude. Lehena, ordutegi-taulan (marco horario) oinarritutako ordutegia osatu beharrean, ordu-tarteetan oinarritutakoa osatzea; bigarrena, saio bakoitzari dagozkion ikasleak esleitzea.

Aukera hauetako edozeinekin lan egin nahi izanez gero, printzipioz mantenura deituko dugu eta eurek egingo dituzte egin beharreko kofigurazio lanak.

Jarraian azalduko dugu aukera bakoitza:

MARKORIK GABEKO ORDUTEGIA

Kasu honetan, saioaren ordena zenbakia zehaztu beharrean, “ordu tartea” zehaztuko dugu. Hau da, saio zein ordutan hasi (lehen gelaxka) eta amaitzen (bigarren gelaxka) den. Horretarako, kurtsorea dagokion gelaxkan kokatzean aterako den leihoan idatziko dugu interesatzen zaigun ordua.

 

IKASLEEN ESLEIPENA

Saio bakoitzari dagozkion ikasleak esleitzeko aukera da honakoa.

Horretarako, saioari (erregistroari) dagokion  botoian klikatuko dugu. Jarraian bistaratuko den ikasleen zerrendatik interesatzen zaizkigunak aukeratuko ditugu (dagokien zeldan klikatuz) eta aukera gordetzeko  botoia klikatuko dugu.

Modu honetan, aurrerantzean, saio horretako ikasleen kudeaketa gauzatzeko (Jarraipena atalean hutsegiteak, adibidez) aukeratutako ikasleak bakarrik bistaratuko dira.

Menuko aukera honen bitartez, zehaztutako irakasleen ordutegia kontsulta dezakegu.

Kontsulta burutzeko aukera desberdinak ditugu:

I. Orokorra. Irakasle guztiei dagokien ordutegia. “Irakasleen ordutegia” erlaitzean sartzean, sistemak defektuz bistaratuko duena.

 

II. Espezifikoa. Ezkerreko zutabean agertzen diren irakasleetatik, interesatzen zaizkigunak bakarrik aukeratuz, hauei dagokien ordutegiaren kontsulta burutzeko, “filtroa” botoia klikatuko dugu.

 

 ERABILGARRITASUNA

Iragazkian dagoen luparen botoia klikatzean, irakasleak saio jakin batean libre dauden ala ez kontsulta dezake administrariak. Botoi hau klikatzean, ondokoa bezalako leiho bat bistaratuko da:

• “Libre dauden irakasleak” zelda aktibatuta badago: “Data” eta “Ordu-tartea” eremuetako data eta saioan, libre dauden irakasleak bistaratuko dira. (Hau da, saio lektibo nahiz ez-lektiborik ez dutenak).

 

• “Libre dauden irakasleak” zelda desaktibatuz gero: adierazitako data eta orduan libre ez dauden irakasleak zeintzuk diren kontsulta dezakegu. Honez gain, “Okupazioa” eremuan zehatz dezakegu saio horretan zein ardura duten (zaintza, saio lektiboa, bilera edo osagarria).   botoia klikatu ostean, baldintza horiek betetzen dituzten irakasleen zerrenda bistaratuko da.

 

Bigarren eranskina betetzeko hainbat datu Inikako beste zenbait ataletatik inporta daitezke. Jakin, inportatutako datu hauek guk geuk idatzitakoen osagarri ere izan daitezkeela, hau da, gure aportazioen eta Inikan gordetako datuen konbinazioa gauza daiteke.

Honela burutu daiteke inportazioa:

ERREFORTZUA BEHAR DUTEN EREMUAK. Atal honetako “Inportatu” botoiaren bitartez, lehen eranskineko “Hezkuntza errefortzua behar duten eremu-gaiak” ataleko datuak inporta ditzakegu.

HIBParen JARRAIPENA ETA BALORAZIOA. Atal honetan, bi azpi-atal bereizten dira:

• Irakasle-taldea. Ikasturtean  zehar eman diren ebaluazio-bilera bakoitzean jasotako informazioa da hona inportatuko dena (Menu nagusiko “Jarraipena” atalaren barruko “Ebaluazio-bilerak” aukeran dagoen “Ikaslea” atalekoa, hain zuzen ere). Horretarako, ebaluazio bakoitzari dagokion “importar” botoian klikatuko dugu. “Editar” botoiarekin bitartez, edozein aldaketa gauza dezakegu bertan.

• Familia. Ikasturtean zehar ikasleen sendiarekin izandako bileretan jasotako informazioa da hona inportatuko dena. Horretarako, ebaluazio bakoitzari dagokion “importar” botoian klikatuko dugu. “Editar” botoiarekin bitartez, edozein aldaketa gauza dezakegu bertan.

 

Funtzionalitate honen bitartez, Inikako erabiltzaileei dagokien erabiltzaile izena bidaliko zaie (Inikan aurrez adierazitako) posta elektroniko helbidera.

Hasteko, mezuaren hartzaileak definituko ditugu horretarako ezarritako iragazkiaren laguntzaz.

 

(1) Lehenik, familien, ikasleen edo irakasleen erabiltzaile-izenak bidali nahi ditugun zehaztuko dugu.

(2) Ondoren, zein motatako erabiltzaileen datuak bidaliko ditugun. Hau da:

K/C: Ikasturte honetan zehar zentruan dauden erabiltzaileak. (Hau da, kurtsokoak).

M: Matrikulan gordeta ditugun erabiltzaileak.

P: Aurrematrikulan gordeta ditugun erabiltzaileak.

*: Guztiak (K + M + P).

(3) “Maila”, “Taldea” eta “TutoreTaldea” eremuen bitartez, zehaztasun gehiagoko bilaketa gauza dezakegu. Gauza bera “berriak” zelda aktibatuz gero (ikasle berrienak bistaratuko dira).

Zehaztutako datuetan oinarritutako bilaketa egiteko, “Filtroa egin” botoia klikatuko dugu. Jarraian, baldintza horiek betetzen dituzten erabiltzaileen zerrenda bistaratuko da:

“Hartzaileak aukeratu” zutabeko erabiltzaileen artetik aukeratuko ditugu interesatzen zaizkigunak.

“Idatzi emailaren gorputza” eremuan idatziko dugu bidali nahi dugun mezua.

“Aurreikuspena” botoiaren bitartez, e-mailaren itxura nolakoa izango den jakiteko bistaraketa gauza dezakegu hau bidali aurretik. Ondorengo irudian ikus dezkegun bezala, lehenik idatzitako mezua bistaratuko da; jarraian, gure ikastetxearen izena eta hartzaileari dagokion erabiltzaile-izena; azkenik, defektuzko pasahitza aldatu nahi izatekotan klikatu beharreko linka.

“Bidali emaila” botoiaren bitartez gauzatuko dugu bidalketa.